Divertida recreación da vida da antiga corte de Felipe IV, animada por un inaudito capricho do rei: ver espida á raíña.
A Gonzalo Torrente Ballester (1910-1999) ségueselle considerando un dos piares básicos da nosa literatura contemporánea. Do que fóra membro da Real Academia Española e premio Cervantes en 1985 preséntase hoxe unha das súas obras máis humorísticas e delirantes, CRÓNICA DO REI PASMADO. Un rei novo e inxenuo, aparvado pola beleza do corpo feminino, revoluciona á Corte polo seu irrefreable desexo de contemplar á raíña espida. Frades, moralistas e inquisidores debaten sobre a obscenidade de tan sorprendente antollo.
Torrente Ballester engade ao seu xogo coa Historia a apaixonada e fogosa relación dun valido coa súa esposa, a curiosa amizade da superiora dun convento coa puta máis cobizada de Madrid e as peripecias duns personaxes reais, matizados con grazas, humor socarrón e ironía nunha intrigante crónica da antiga Corte española.