Este volume inclúe dúas novelas curtas, a primeira das cales, O Sur, deu orixe ao guión da película do mesmo título dirixida por Víctor Erice. Tanto esta historia como a que se conta en Bene caracterízanse polo seu magnetismo narrativo, baseado na especial habilidade de Adelaida García Morales para rodear dunha aura de misterio a certos personaxes masculinos ao redor de cuxa ausencia tece cada unha das narracións. Ausencia física pero presencia de sombra, estrañada nun caso, ominosa no outro, cuxo peso se fai sentir dobremente a causa da súa mesma realidade fantasmagórica. Movéndose nun territorio que bordea as simas do incesto e do mal contempladas desde a pureza amoral da adolescencia, estes dous relatos adentran ao lector en rexións pouco transitadas pola nosa literatura, e situaron á súa autora nun lugar destacado.
Ningún comentario:
Publicar un comentario